دة للأسف الشديد بقى شعار الشباب فى رمضان 2010 !!
ايوة يا جماعة .. رمضان .. شهر القرآن
اللى المفروض فية بنصلى ونصوم ونحاول نقرب اكتر من ربنا
وعشان المفروض ده عند المكوجى مش هنا
فياريت يا ست الحجه تاخدى بنتك وتزوقيها كأنها عروسة وأكتر شوية
وطبعا اكيد جايبة لها عباية سوده استرتش من اللى نزلت موضة الايام دى
اه يعنى منه تظهرى انها مؤدبة ومنه بردو تظهرى امكانيتها
طيب عملتى كل ده .. يلا بقى على الجامع بقى عشان الصلاة
واووووووعى تنسى
بعد الصلاة تاخديها تلفى بيها شوية فى البلد
وتخلى الشباب تبقى هتموت عليها كده .. ماشى !!
وانت بقى ياعم العطار افتح المحل وطلع بضاعتك الشارع كمان
واتفنن فى عرضها واهم حاجه المكسرات طبعا
عشان الناس اللى بتجيب فطارها بالعافيه دى تبص وتتحسر
واهو كله بثوابة !!
واهو كله بثوابة !!
ويا منتج ياسينمائى جيب لنا كام موزة حلوة كده
تطلع فى المسلسلات الرمضانية
اللى " رطرطت " .. وحصرى على التليفزيون المصرى !!
(جدع انت بتخلى الشباب تسلى صيامها)
ويلا يا شباب اختاروا
تشتروا لوز ولا تبصوا على الموووووووز
وعجبى
